باسم منير مدير منتديات نجوم النوبة
عدد الرسائل : 143 العمر : 33 الاوسمة : تاريخ التسجيل : 24/09/2008
| موضوع: اغنيه مالفها فى حب منير - يا رب تعجبكو الجمعة سبتمبر 26, 2008 4:27 pm | |
| فى الفن العربى امير وفى الغنا هو الكبير ده حبيب الشعب كله الملك محمد منير ---------------- ده كل عمره اللى فات والماضى و الذكريات وهبهم فى الفن الجميل و كمان فى عشق البنات ------------------ ده صوته مليان حنيه و اغانيه ميه ميه و بيحب كل الناس ده قلبه مساكن شعبيه ------------------- صورته قدام عنيه من الصبح للمغربيه كل اللى سمعوا منير قالوا ده حدوته مصريه ------------------ ده غناه بيملى الكون وصوته بجد حنون فى الريف بنسمع غناه جنب شجر الليمون ------------------ دى الدنيا بصوته بتحلى و بتبقى احلى و احلى ده صوته فى قلوبنا دايما فى طول دايرة الرحله ----------------- بسمع صوته و مين قدى ده انا و الله الود ودى اسمع غناه لغاية لما النسيم يعدى ---------------- الناس فى صوته سارحه و بتنسى الليالى الجارحه ده منير بصوته الجميل دخل فى قلوبنا الفرحه ---------------- دى الناس اللى هموها شايله بغناه دايما مايله بيغنى لكل الناس و كمان بيغنى لليلى ------------------ و كمان الناس الحايره بتجيلوا لو حتى سايره علشان تسمع غناه و تكون جنبه فى وسط الدايره ------------------ بيغنى ليا و ليك و صوته دايما حواليك ده جمال صوته بيفتح لينا كل الشبابيك ------------------ ده حب منير مالينا حاسين بايديه فى ايدينا تعالوا نكون ايد واحده و تعالوا نلضم اسامينا ---------------- هنقولها باعلى صوت و مفيش من تانى سكوت دايما معاه هنحلم لو بطلنا نحلم نموت ------------------ بنحب منير انت وانا و ده و اللهى كل المنا يفضل منير يغنى و يعلى صوته بالغنا ---------------- صوته فى كل مكان بيروحلى و بأسراره تملى يبوحلى كان بيحب فى مره زمان بنت جميله بمريله كحلى ---------------- اغانيه للكل حبيبه لقلوبنا تملى قريبه مهما سافر او بعد او راح فى بلاد غريبه ----------------- باسمع صوته بحس بنصر ده منير فعلا ابن مصر و انا بعشق غنا منير وكمان بعشق البحر ---------------- لازم احقق كل الوعد مهما انا كنت فى غربه وبعد هفضل اقولك كده يا حبيبتى خلاص حبيبتى بقينا لبعض ---------------- كنت امبارح جنب القمره قاعد سهران وسط الصحرا نفسى اقولك انى بحبك نفسى اقولها الليله يا سمرا ---------------- ده منير بالحب مليان و بجد اعظم فنان و ادينى حكيتلكوا اهوه حكايته مع الزمان ----------------- | |
|
هاميس
عدد الرسائل : 22 العمر : 33 الاوسمة : تاريخ التسجيل : 26/09/2008
| موضوع: رد: اغنيه مالفها فى حب منير - يا رب تعجبكو الجمعة سبتمبر 26, 2008 4:41 pm | |
| الله عليك بجد فنان عمرى ما شفت حب للدرجة دى قصيدة جميلة فى حب منير يا (باسم منير) | |
|
mohamd anwar
عدد الرسائل : 14 العمر : 32 تاريخ التسجيل : 02/10/2008
| موضوع: رد: اغنيه مالفها فى حب منير - يا رب تعجبكو الخميس أكتوبر 02, 2008 5:31 am | |
| والله يابنى انت فنان من يومك الله عليك بجد وانا متأكد انتك انت اليى كتبها ومنتظر اشعارك وكلماتك فى قسم مألفات باسم منير وارجو التعجل ومشكور لك مشفتش حد بيحب منير كدا زيك | |
|